مممممم ماما خرجت ومعملتش أكل وانا جعانة أعمل إيه ؟
أكلم طنط حشرية جارتنا تساعدنى ؟!
ولا أدور على النت طيب على أكله سهل!
طيب أنام من غير أكل وخلاص ! يوووووووووووووه بقا
خلااص لقيتها "الاندوومى هو الحل "
وتيجى ماما على أمل انى طبخت وهفاجئها , تلاقى بنتها العاقلة الرشيدة كلت إندومى
هذه البنت العاقلة الرشيدة مفكرة انها لما تتجوز هتقضيها اندوومى , احب اقولها لاااااا كدا خليكى جمب ماما أحسن
وتحت شعار " اتعلميلك طبخة يا ست الكل " مش هنقولك على طريقة البامية باللحمة , هنقولك الاندومى اللى انتى عملتيه دا ممكن يعملك إيه
1- يعتبر من الوجبات السريعة اللى فيها كربوهيدرات كتييرة , وفيتامين وألياف ومعادن قليلة
2- الاندومى بيقلل امتصاص المواد الغذائية وخاصة الأطفال تحت سن ال 5 سنين
3- كتر أكل الإندومى بالمواد اللى فيه بيعرض الأم لعدم اكتمال الحمل وبيأثر على مراحل تكوين الطفل
ركز بقا فى المواد اللى فيه كدا
4- فيه مادة إسمها Styrofoam دى تعتبر مادة مسرطنة .. واخدة بالك انتى ياللى هتتجوزى وتقضيها اندومى !
5- هتلاقى كمية كبيييييرة من الصوديوم اللى طبيعى هتزود ضغط الدم وتعرضه لأمراض القلب والكلى بمرور الوقت
كمية الصوديوم الكتيرة دى بتحبس مياه كتييرة فى الجسم ودا اللى بيعرضك للسمنة وما بعدها من مشاكل القلب
6- عشان يحافظو على النكهة حطو مادة إسمها Monosodium Glutamate .. فى ناس عندها حساسية من المادة دى وممكن تسببلهم صداع , ألم , وممكن الوجه يتورم !
7- وعشان ميبقاش جاف اوى حطوا فيه مادة Propylene Glycol ,, المادة دى بتضعف الجهاز المناعى وسهل الجسم يمتصها وتبدأ تتراكم فى الكلى والكبد والقلب ! ومن هنا هيبدأ يظهر أثرها الضار على الأعضاء دى
ايه رأيك فى الوصايا قصدى التحذيراات السبع دول ناوية تعملى اندومى بكرة تانى
كون إنك تعمليه لجوزك دى حرية شخصية منك وبيعبر عن مدى حبك ليه
وأه مش هيفرق اذا كلتيه كداهوون كمقرمشات ولا كلتيه بعد ما اتغلى فى المياه كله زى بعضه
إرسال تعليق